గుమ్మడికాయ కూర/ pumpkin curry

గుమ్మడి కాయ 1/2kg
పచ్చిమిరపకాయలు 3
అల్లం 1inch
ఆమ్చూర్ పౌడర్ 1/2tsp
పంచదార 1/2tsp
నూనె 2tsp
ఉప్పు తగినంత


పోపుకి: ఆవాలు, మినపప్పు, జీలకర్ర, ఎండుమిరపకాయ, కరివేపాకు.


గుమ్మడికాయ చెక్కు తీసి చిన్న చిన్న ముక్కలుగా తరగాలి. పచ్చిమిరపకాయలు, అల్లం సన్నగా తరగాలి.
నాన్ స్టిక్ పాన్లో నూనెవేసి ఆవాలు, మినపప్పు, జీలకర్ర, ఎండుమిరపకాయ వేసి చిటపటలాడాక తరిగిన గుమ్మడి ముక్కలని వేసుకోవాలి. బంగారు రంగులోకి వచ్చేవరకు వేయించాలి. (మూతపెడితే ముద్దగా అయిపోతుంది, దగ్గరుండి మూత లేకుండా వేయించుకోవాలి.)
ఇప్పుడు తగినంత ఉప్పు, ఆమ్చూర్ పొడి, పంచదార వేసి బాగా కలిపి దించుకోవాలి.
ఈ కూర అన్నం లోకే గాక రోటి, పరోటాల్లోకి కూడా బాగుంటుంది.