హాయ్!
అందరూ బాగున్నారా!
సారీ ఈ మధ్య కొన్ని అనివార్య కారణాలవల్ల బ్లాగ్ update చెయ్యలేకపోయాను.
అర్ధం చేసుకుంటారుకదూ!
-శాంతి మల్లాది

Read more...

గుమ్మడికాయ కూర/ pumpkin curry

గుమ్మడి కాయ 1/2kg
పచ్చిమిరపకాయలు 3
అల్లం 1inch
ఆమ్చూర్ పౌడర్ 1/2tsp
పంచదార 1/2tsp
నూనె 2tsp
ఉప్పు తగినంత


పోపుకి: ఆవాలు, మినపప్పు, జీలకర్ర, ఎండుమిరపకాయ, కరివేపాకు.


గుమ్మడికాయ చెక్కు తీసి చిన్న చిన్న ముక్కలుగా తరగాలి. పచ్చిమిరపకాయలు, అల్లం సన్నగా తరగాలి.
నాన్ స్టిక్ పాన్లో నూనెవేసి ఆవాలు, మినపప్పు, జీలకర్ర, ఎండుమిరపకాయ వేసి చిటపటలాడాక తరిగిన గుమ్మడి ముక్కలని వేసుకోవాలి. బంగారు రంగులోకి వచ్చేవరకు వేయించాలి. (మూతపెడితే ముద్దగా అయిపోతుంది, దగ్గరుండి మూత లేకుండా వేయించుకోవాలి.)
ఇప్పుడు తగినంత ఉప్పు, ఆమ్చూర్ పొడి, పంచదార వేసి బాగా కలిపి దించుకోవాలి.
ఈ కూర అన్నం లోకే గాక రోటి, పరోటాల్లోకి కూడా బాగుంటుంది.

Read more...

tomato chutney / టమాటో కూర

Zareena this is for you!!

టొమాటోలు సన్నగా తరిగినవి 4
ఉల్లిపాయలు సన్నగా తరిగినవి 2
వెల్లుల్లి రెబ్బలు సన్నగా సన్నగా తరిగినవి 4
కరివేపాకు 4
పచ్చిమిరపకాయలు 2
ఆవాలు 1/4 tsp
మెంతులు కాసిన్ని
ఎండుమిరపకాయ ముక్కలు
ఉప్పు తగినంత
కొత్తిమిర సన్నగా తరిగినది

ముందుగా నూనెలో వెల్లుల్లి వేయించుకొని దాంట్లో ఆవాలు, మెంతులు, ఎండుమిరపకాయ, కరివేపాకు వేసి అవి చిటపటలాడాక ఉల్లిచెక్కు వేసి అవి ఎర్రగా వేగాక తరిగిన పచ్చిమిరపకాయలు, టమాటో ముక్కలు, తగినంత ఉప్పు వేసి మూతపెట్టి దగ్గరగా మగ్గనివ్వాలి. అంటే టొమాటోలు మెత్తగా అయ్యేదాకా.
స్టవ్ పై నుండి దించాక సన్నగా తరిగిన కొత్తిమిర జల్లాలి.

Read more...