రవ్వ దోశ & కొబ్బరి పచ్చడి

రవ్వ దోశకి:

గోధుమ రవ్వ 1 cup
మైదా 1 cup
వరిపిండి(బియ్యప్పిండి) 11/2 cup
పుల్ల పెరుగు 2 cups
పచ్చిమిరపకాయలు 4
అల్లం 1 inch
జీలకర్ర 1 tsp
ఉప్పు తగినంత
నూనె తగినంత

ముందుగా రవ్వ,మైదా, వరిపిండి తగినంత ఉప్పు వేసి పెరుగు మరి కొంత అవసరమైతే నీరు పోసి గరిటజారుగా కలుపుకోవాలి.

దానికి సన్నగా తరిగిన పచ్చిమిరపకాయలు, అల్లం, జీలకర్ర కలిపి ఒక 1-2 గంటలు నాననిచ్చి దోశలు వేసుకోవడమే!!
ఇష్టపడితే ఉల్లి చెక్కు కూడా పైన వేసుకోవచ్చు.

కొబ్బరి పచ్చడికి:

కొబ్బరి 1 cup

పుట్నాల పప్పు 1 cup

పచ్చిమిరపకాయలు 4

ఉప్పు తగినంత

పైన చెప్పినవన్నీ కొంచెం నీరు కలిపి మెత్తగా రుబ్బుకోవాలి.

నూనెలో కొంచెం ఆవాలు, తక్కువగా మెంతులు, కొంచెం జీలకర్ర, ఎండుమిరపకాయ, కరివేపాకు వేసి పోపుపెట్టి పచ్చడిలో కలపాలి.

ఈ పచ్చడి అన్ని రకాల దోసలతో తినడానికి బాగుంటుంది!!