ఉండ్రాళ్ళు / Undrallu
వినాయక చవితినాడు అందరు తప్పక చేసుకొనే, స్వామికి ఎంతొ ప్రీతికరమైన ఉండ్రాళ్ళు ఈ రోజు చెప్పుకుందాం. ఇప్పట్నుంచే ఎందుకంటే నిన్న మా తోటికోడలు(ఢిల్లీలో ఉంటుంది) అంది క్రిందటి సంవత్సరం సరిగా కుదరలేదు అందుకే ఒకసారి ట్రై చేసి చూస్తాను చవితిలోగా అని, అప్పుడు వచ్చింది ఈ ఆలోచన.
కావలసిన పదార్ధాలు:
బియ్యం రవ్వ 2 cups
శెనగ పప్పు 1/4 cup
జీలకర్ర 1 tsp
నూనె 1 tsp
ఉప్పు తగినంత
శెనగ పప్పు ముందుగ ఒక పది నిమిషాలు నానబెట్టుకోవాలి.
4 cups నీరు స్టవ్ మీద పెట్టి అది మరుగుతుండగా ఉప్పు, నూనె, జీలకర్ర, శెనగ పప్పు వేయాలి. నీరు బాగా మరిగాక రవ్వ వేసి మంట తగ్గించి దగ్గర పడే దాక కలుపుతూ ఉంటే మంచిది.
చల్లారనిచ్చి నేతితో(చేతికి నెయ్యి రాసుకొని) ఉండలుగా చేసుకోవాలి.
వీటిని ఇడ్లి ప్లేట్లలో గాని, కుక్కర్ గిన్నెలో గాని పెట్టి కుక్కర్లో 5 నిమిషాలు ఉడకనివ్వాలి.
వేడి తగ్గకా నెయ్యివేసి సర్వ్ చేయండి!
0 comments:
Post a Comment